|
|
|
|
|
 |
|
|
|
ما بقاش كلام
الكلام ما بقاش كلام
وبقت الوعود متكسرة
والعيون مليانه حيرة
ومن الغضب متغيرة
والمشاكل هى هى
وحلولها ليه متعثرة
والوعود دايما كلام
فيه الحقيقه متنكرة
والجشع بيزيد ويكتر
لناس تاكلها مقشرة
الجرائد تحكى لنا عنهم
وعلى الشاشات متصورة
والفقير يسمع وساكت
وخيبته كحكه مدورة
مستنى تتحقق وعودهم
ويشوفها قصاده منورة
سنين مربوط لسانا
بحبال كتير مدفرة
والودان تسمع كلامهم
ومن الواقع متأثرة
والوعود عاشت وظلت
ومن الحسد متبخرة
لحد ما عرفنا خلاص
أن الوعود متكررة |
|
|
| |
|
|
|
|
|
|
|
|
|
