|
|
|
|
|
 |
|
|
|
قصيدة طوابير
طوابير من الصبح بدرى
لناس كتير واقفين
على مخبز عيش يا عينى
تشوفهم بوش حزين
وعيونهم رايحه جايه
على سير مليان عجين
ونار الفرن ولعه
وشتايم وسب الدين
وست عجوزه يا سيد
هات لى يا واد رغفين
والسيد عمال ينقى
اللى تميل للعين
وشجار على الدور يوماتى
ومطاوى وعصا وسكاكين
ودم الناس الغلابه يسيل
على باب بشر جاشعين
بيتاجروا فى قوت الشعب
ويجمعوا فى بطنهم ملايين
من بيع الدقيق المدعم
ولا همهم تموين
ولا قانون يعاقب
ولا دموع مساكين
انا جاى أفكر الحكومه
يمكن يكونوا ناسيين
|
|
|
| |
|
|
|
|
|
|
|
|
|
