بسترجع ذكرياتى ساعات
مع ناس عرفتهم
من يوم ما قلبى شاور
ووقعت فى حبهم
وهمه حبونى يمكن
وأنا يمكن زيهم
بنيت أحلام كتيرة
على قربى منهم
وكانت كل أمالى
ياخدونى فى حضنهم
وأوهب كل حياتى
وقلبى وحبى لهم
وأنسى حتى نفسى
وأنا قاعد جنبهم
أرسم أحلام جميله
وقصور على ضلهم
وبستان مليان بحب
سميته بأسمهم
ونحت على القلب صوره
لملامح شكلهم
وكنت فاكر بأنى
جيت لسعدهم
بس يا خسارة يا قلبى
ما فرحت فى قربهم
وما قدرت حتى تكسب
فى يوم ودهم
ورجعت بعيون حزينه
تبكى من غدرهم
وكان كل ذنبك
قربك من عشهم
ومانابك غير عذابك
فى ليالى سهرتهم
مع ناس خدوك بكلمه
ومشيت فى دربهم
ورجعت تقول لنفسك
يا ريتنى ما شوفتهم
