قصيدة أسف حبيبتى


أسف حبيبتى يا ريت
توفرى دموعك عليه
لاعاد طريقى طريقك
ولا عاد هواكى ليه
يا ريت دموعك تقولك
ليه نزلت من عيونك
وليه قلبك هجرنى
وكله بسبب ظنونك
وكلام وخصام وليل
كتب ما بينا البعاد
وتاهت خطوينا منا
بعد ما فات الميعاد

أسف على كل كلمه
نطقها قلبى منى
وقال مرة بحبك
وكان فاكرك تحنى
لكن قلبك ده قاسى
فى لحظة باع هوايا
وياريتة رحم قلبى
ولا سمع ندايا

اسف حبيبتى خلاص
طريقك مش معايا
وأن كان لقلبك باب
اقفلى بابه ورايا

وأوعى تنسى اللى فات
واللى اصبح ذكريات
واللى خلى عنيكى تبكى
وعلمنى أشكى الأهات