|
|
|
|
|
 |
|
|
|
قصيدة : لو نسيت كل البشر
شعر : محمد ضباشه
------------
لو نسيت كل البشر
معقول حبيببى أنساك أنا
ومهما غبت عن عيونى
وطال بعادك ميت سنه
مستحيل ولا أقدر انسى
أى كلمه كتبتهالى
وكل ساعة وكل ثانية
لسه عايش فى خيالى
أنسى ايه ولا أيه
أنسى قلب وهبتهولى
أنسى كلمة ولا نظرة
ولا شوق أنت بعتهولى
أنسى لهفة جايه
من قلبك بتنادى عليه
ولا عيون خدتنى من دنيتى
لدنياها وحاسه بيه
أنسى قلب فتح لى بابه
وحمانى فى الليل الحزين
ونسانى خوفى ووحدتى
اللى عاشوا معايا من سنين
مستحيل يا حبيبى انسى
مهما غبت عن عيونى
ولا أعرف أحب غيرك
وأنت عايش بين جفونى
أنا لو نسيت نفسى
بفتكر ساعة لقاك
ولما بتهل عليه
بتلاقى روحى مستنياك
بس ليه تفتكر وتحس
أنى فى يوم نسيتك
ما تسأل نفسك حبيبى
أنا ليه اصلا هويتك
وأنت تعرف قد أيه
قلبى بيحن لحبيبه
اللى هو فرحته
واللى أختارة يكون نصيبه
ولو نسيت أنت حبيبى
مستحيل أنساك أنا
ومهما غبت عن عيونى
وطال غيابك ميت سنه
|
|
|
| |
|
|
|
|
|
|
|
|
|
