|
|
|
|
|
 |
|
|
|
نصحتك كتير
شعر محمد ضباشه
--------------
نصحتك كتير يا صاحبى
تسيبك من مشيك البطال
وترجع لأصلك وكفايه
هزار ولعب عيال
وسهر لوش الصبح
فى ضحك ونكت تتقال
وخمور وبانجو وحشيش
وبنات ماليها مثال
وتقولى بعمل دماغ
والصبح جابوك متشال
لا دارى مين حواليك
ونايم كما التمثال
مدمن وضايع وصايع
وفى الاخر بقيت نشال
تسرق فلوس الناس
وتقول معايا أموال
وأنت مصيبتك كبيرة
وخيبتك تهد جبال
وفاكر أن طريقك
أخرة الصلاح دا محال
طريقك أخرة الخراب
وذنوب وطين ووبال
يا ريتك عشت يا صاحبى
ولو تشتغل شيال
لكنت احترامتك كتير
وبكيت عليك يا جمال
|
|
|
| |
|
|
|
|
|
|
|
|
|
