أغانى وقرفانى



ده مش فن خالص
وقرفنا ليل ونهار
وكلام أخر مياعة
وألحان ماليها أوتار
تسمع من مطربه
على الطبله والمزمار
الديك بيحب فرخه
وحبه مولع نار
ويا عينى مش لاقى عشه

لما وقعت عليه الدار
ومطرب طالع يغنى
وواخد حبيبته هزار
وبدل ما يقول بحبك
قاله بحبك يا حمار
بالذمه ده اسمه كلام
وهى دى الأشعار
اللى تربى  القيم
 وتملى حياتنا ازهار
وحتى ولو غصب عنا
ليه نمشى  ورا صرصار
يسمعنا اللى هوه عاوزه
وباين عليه فشار
ولا اللى طالعة تغنى
وجابت لجوزها العار
جوزى شبشب حمام
وشكله شكل الفار
مش نافع اى حاجه
ولا حتى يساوى دينار
ياناس حرام عليكم
الفن ماعاد له وقار
وطول ما الأغانى هابطة
بكرة نقول يا خيار
والعنب العنب العنب
وأكلت حبيبتى فشار
وأغانى أخر موضه
عامله زى البخار
تسمعها وما تفتكرش
الا بحبك يا حمار