|
|
|
|
|
 |
|
|
|
قصيدة زعلان كده ليه
-------------------
زعلان كده ليه يا حبيبى
نفسى أعرف زعلان ليه
فى عنيك بتخبى كلام
مش فاهمة تقصد ايه
زعلك دة كتير عليه
كفايه منك زعل
وبلاش عنيك تشوفنى
تتدارى بالعجل
تزعل ويبان عليك
تتغير لون عنيك
ودموع على الخد تجرى
بخاف منها عليك
معقول تنسى اللى بينا
وزعلك ياخدك بعيد
وتهرب من سؤالى
وألقاك قاسى وعنيد
لو ناوى عتاب عاتبنى
وانا والله اسمعك
ولو ما قدرت أصالحك
مش ممكن امنعك
يا ريت تنسى الأسيه
انا ليك وانت ليه
خليها تروق وتحلى
ونعدى السكة ديه
يا حبيبى حقك عليه
يا أغلى من عنية
ما فيش فى الدنيا غيرك
حرك قلبى فيه
وحياة حبك يا روحى
مش ممكن راح تهون
وانت كحل لجفونى
وساكن جوه العيون
فكر وارجع لى تانى
وكفايه قسوه وعناد
خلينى اقول لقلبى
حبيبى ليه عاد
|
|
|
| |
|
|
|
|
|
|
|
|
|
