تحت الشباك
شعر : محمد ضباشه
---------
تحت الشباك وأنا بستنى
وبقالى يومين تحت الشباك
مشتاق لعنيك والشوق محتار
وواخدنى معاه من هنا لهناك

تحت الشباك ......... تحت الشباك

يسألنى الليل عن أحوالى
فى قلبى أخبى وأدارى
وأقول ليه انت يا غالى
ولا حتى دارى بأحوالى

تحت الشباك ......... تحت الشباك


يا حبيبى طب رد عليه
وأفتح لى أشوفك بعنية
تطفى نار الشوق فيه
ولا أنت مش راضى عليه

تحت الشباك ......... تحت الشباك


قلبى خبط على بابك
ياريتك تفتح لأحبابك
وكفايه عذابى فى غيابك
وروحى جايه لعتابك

تحت الشباك ......... تحت الشباك


أفتح شباكك لو ثانية
وهات قلبى ياتاخدنى معاك
وكفايه يا حبيبى عليه
بقالى يومين وأنا بستناك

تحت الشباك ......... تحت الشباك


أخاف لتقفل باب قلبك
قصاد قلب فى يوم حبك
وأتوه فى درب غير دربك
ياخدنى من جنة حبك

تحت الشباك ......... تحت الشباك